Qyteti i Lezhës ndodhet rreth 47 km në anën jugore të qytetit të Shkodrës. Lezha është një nga qytetet e lashta të Shqipërisë dhe në dokumentet historike ajo është përmendur kryesisht me emrin Lissus. Në vitin 1398, pas ndërtimit të kështjellës së saj, qyteti ishte nën kontroll të drejtpërdrejtë të familjes feudale të Lekë Dukagjinit, por përfundimisht u pushtua nga Venediku. Një nga ngjarjet më të rëndësishme historike për Lezhën dhe me të vërtetë për të gjithë Shqipërinë, ishte e famshmja "Lidhje e Lezhës" më 2 mars 1444, ku nën udhëheqjen e heroit kombëtar Skënderbeu, princat shqiptarë u bashkuan kundër osmanëve. Varri Memorial i Skënderbeut është këtu, në ish-Katedralen e Shën Kollit, aty ku ai u varros në vitin 1468.
Kështjella e Lezhës, një tjetër monument ilir, ndodhet në majë të kodrës me pamje nga qyteti poshtë. Brenda kështjellës ndodhen rrënojat e një xhamie osmane.
Vetëm pak minuta nga qyteti, në rrëzë të malit të Rrencit, gjendet plazhi me rërë i Shëngjinit. Në Shëngjin janë ndërtuar shumë hotele, restorante dhe shtëpi banimi, çfarë e ka rritur shumë kapacitetin dhe janë përmirësuar ndjeshët kushtet për pushuesit e shumtë.
Në Shëngjin vihet për diellin, për detin e rërën, për bukuritë e rralla, që natyra u ka dhuruar banorëve mikpritës e të shoqërueshëm. Rripi i gjerë i rërës së pastër, nga njëra anë kufizohet me detin dhe nga ana tjetër me pyllin e rrallë me pisha e drurë të tjerë. Një rrip i ngushtë rërë me bimësi, ndan ujërat e cekëta bregdetare me lagunat.
Shëngjini është hapur së tepërmi kohët e fundit qoftë si plazh, por edhe si port me perspektivë. Lidhja e Shëngjinit me Lezhën ka qenë gjithmonë jetike, qoftë si ekonomi dhe zhvillim, qoftë si rrugë lidhje me qytete të tjerë, qoftë si plazh dhe histori.
Larmishmëria e llojeve të peshkut dhe të shpendëve ka bërë që edhe mënyra e gatimit të tyre të ndryshojë dhe të rritet cilësisht. Megjithatë, më i miri ngelet gatimi tradicional, që gjendet në të gjithë lokalet dhe hotelet e zonës.
Rreth 38 kilometra vijë bregdetare, male, lumenj e laguna, histori, arkeologji dhe një trashëgimi e pasur kulturore… Lezha mund t’i ofrojë të gjitha në një paketë të plotë turistike.
Ndërthurja e turizmit bregdetar me atë historik dhe natyror dhe kulinaria e pasur e bëjnë Lezhën një destinacion për turizëm gjithëvjetor.
UDHËTONI NË LEZHË
Autostrada midis Lezhës dhe Shkodrës është përmirësuar plotësisht dhe këto dy qytete tani janë më pak se një orë me makinë nga njëra tjetra. Linjat e mini-busëve dhe autobusëve përshkrojnë vazhdimisht rrugën deri në pasditen e hershme; nëse nuk ka transport dirket për Lezhë në kohën që dëshironi të udhëtoni, mund të kapni autobusin në Tiranë ose Durrës dhe të zbrisni autobusin në kryqëzimin e Lezhës në autostradë; nga atje është vetëm pesë minuta në këmbë nëpër urë e deri në qendër të Lezhës. Është gjithashtu mirë të vizitoni Lezhën nga Tirana, që është më pak se 1.5 orë larg me autobus.
AKOMODIMI NË LEZHË
Zakonisht është e lehtë të gjesh strehim në shumicën e qyteteve të Shqipërisë, ku natyrshëm bën pjesë edhe qyteti i bukur i Lezhës. Ne jemi të gatshëm t’ju ofrojmë çdo informacion që ju mund të keni nevojë nga bujtinat në zonë, hotelet apo edhe shtëpitë private që ofrojnë shërbime akomodimi për vizitorët e ndryshëm. Ne marrim përsipër për ju gjetjen e një vendi ku ju mund të qëndroni gjatë gjithë kohës së trajtimit tuaj dentar.
AKTIVITETET NË LEZHË
E ndodhur në kryqëzim të rrugëve tregtare, historike e kulturore, pjesë e rëndësishme e kujtesës historike kombëtare, Lezha ka krijuar një përvojë të konsoliduar në fushën e turizmit. Vetëm 53 km larg kryeqytetit, qyteti i Lezhës ofron vlera të mëdha turistike, me objekte historike muzeale, arkeologjike si dhe objekte kulti si Kisha Françeskane e ndërtuar në vitin 1240.
Kështjella e Lezhës konsiderohet më e madhja në Shqipërinë Qendrore si dhe simbol i arkitekturës ushtarake të vonë romake, bizantine e osmane. Ajo ndodhet mbi një kodër rreth 305 metra të lartë dhe rreth 80 metra prapa Kishës Françeskane.
Dhe nëse jeni të interesuar për turizmin historik, nuk mund të lini pa vizituar Memorialin e Skënderbeut, i ndërtuar mbi kishën e Shën Kollit, aty ku u varros Skendërbeu në 1468.
Lezha në vetvete përmbledh turizmin historik e kulturor, lagunor e balnear, malor e fushor. Ajo ka malin, detin, fushën e lagunën, dhe më kryesorja është afër me portin dhe aeroportin, si dhe ka mundësi infrastrukturore mjaft të mira për kushtet e vendit tonë dhe për mundësitë që ofron Shqipëria turistike në përgjithësi.
Tashmë, jo vetëm Shëngjini e Talja, Rana e Hedhun e lagunat, të mirënjohura dhe të frekuentuara rregullisht, por edhe Lezha si qytet është një atraksion për turistët, i prezantuar në të gjitha mjetet e informacionit dhe nga agjencitë turistike.
Qyteti historik, me kalanë mesjetare dhe me Memorialin e Gjergj Kastriotit-Skënderbeut janë një nga pikat më të vizitueshme të të gjithë Shqipërisë. Kalaja e Lezhës tani ka një rrugë bashkëkohore që plotëson më së miri nevojat e guidave turistike të vizitorëve që duan të shijojnë arkitekturën mesjetare dhe panoramën e mrekullueshme që të hapet para syve.
Dashamirësit e historisë gjejnë në Lezhë, historinë, antikitetin dhe mesjetën, gjejnë të gjitha shtresëzimet e zhvillimit historik të vendit dhe njihen me traditën qytetare dhe vazhdimësinë urbane të Lezhës. Të apasionuarit e detit gjejnë plazhin e Shëngjinit dhe plazhin e virgjër të Tales të lidhur me infrastrukturë bashkëkohore me qytetin e Lezhës.
Lezha është dalluar gjithnjë për mikpritjen dhe bujarinë të cilat janë karakteristike e kësaj treve. Në Lezhë ndodhen lokale me emër. Këtu gatuhet ushqim tradicional dhe i kohës, si dhe ka restorante të përmendura për ushqimet bio, të cilat kanë krijuar një traditë dhe janë bërë të njohura edhe për të huajt që vizitojnë Lezhën, këtë qytet të paqes dhe harmonisë dhe të pejzazhit të mrekullueshëm, një destinacion për të mos u humbur.
Pak histori
Kalaja e Lezhës është një monument historik i shquar i vendosur mbi një kodër duke shikuar mbi qytetin e Lezhës, në pjesën veriore të Shqipërisë. Pika më e lartë e kështjellës është 186 metra e lartë. Kalaja vetë rrjedh nga epoka ilire. Në vitin 1440 ajo u rindërtua nga Venedikët dhe më pas, në vitin 1522, pas pushtimit osman, ajo u rindërtua nga osmanët. Kalaja ka shumë gjurmë të arkitekturës ilire, romake, bizantine dhe osmane. Vende interesante për t’u vizituar janë rrënojat e ndërtesave otomane brenda kështjellës, xhamisë, kulla e murit jug-lindor me një hark romak dhe kulla ilire në murin jugor. Kalaja në Lezhë është një monument kulturor. Kodra mbi të cilën gjendet Kalaja ofron një pamje të bukur të vendit të Lezhës dhe detit Adriatik. Pamja është edhe më e mirë, nëse zgjedh një ditë me diell pasi zona në të cilën ndodhet kalaja është pothuajse gjithmonë me erë. Ka shumë punë për t'u bërë në kështjellë dhe në rrënojat brenda, por ju ende mund të përjetoni atmosferën e shekujve të shkuar.
Akomodimi
Jolly Hotel një strukturë hoteliere moderne, më e reja në Lezhë, e arreduar me art e finesë, ambientet e së cilës ju ofrojnë nje akomodim unik ne Lezhe.
Pse çmimet për kujdesin dentar në Shqipëri janë më të lira se në Itali apo vende të tjera evropiane?
A keni menduar ndonjëherë pse kaq shumë italianë dhe të huaj të tjerë vizitojnë Shqipërinë për të rregulluar dhëmbët? Përkundër besimit popullor, ata nuk vijnë në Vendin e Shqiponjave vetëm për pushime. Ata vijnë edhe për të rregulluar dhëmbët e tyre. Ky fenomen, i njohur edhe si turizmi dentar, vitet e fundit ka marrë shumë zhvillim edhe në Shqipëri. “Sava Dental Clinic” është një nga të parat në Shqipëri që ka punuar në fushën e turizmit dentar dhe për këtë arsye ka përvojën e duhur, burimet dhe profesionalizmin për të ndihmuar pacientët të buzëqeshin sërish.
Klinika Dentare “Sava Dental Clinic” ofron çmime të arsyeshme, sepse ne nuk veprojmë përmes agjencive ndërmjetëse që mund të ndikojnë në rritjen e çmimeve. Të gjitha shërbimet tona ofrohen dhe organizohen direkt nga vetë klinika.
Deri tani, ne të gjithë e dimë se cilat janë përfitimet e turizmit dentar. Megjithatë, shumë njerëz ngrenë një pyetje tjetër:
Nuk ka absolutisht asnjë sekret - dallimi themelor është se në Shqipëri gjithçka kushton më pak se vendet e tjera:
- Paga mesatare e një dentisti në Shqipëri është 300-500 € në muaj, ndërsa në Itali është 3000-4000 €.
- E njëjta vlen edhe për shpenzimet për energji elektrike, ujë dhe ngrohje, shpenzimet për reklamim dhe kostot administrative.
- Tatimet janë më të ulëta; një klinikë dentare në Shqipëri paguan taksë mbi të ardhurat vetëm në vlerën e 7.5%.
Një numër i madh i të huajve që vizitojnë Shqipërinë e bëjnë këtë jo vetëm për trajtimet dentare me kosto të ulët, por edhe për kostot e ulëta të jetesës. Pothuajse gjithçka është më e lirë në Shqipëri;ngrënia, transporti, strehimi dhe çdo gjë tjetër është shumë më lirë se sa kudo në Bashkimin Evropian.
Ne ofrojmë shërbime dentare jo vetëm me kosto të ulët; Sava Klinika Dentare ka një staf të stomatologësh dhe asistentësh profesionistë dhe tejet të kualifikuar. Materialet që përdorim kanë të gjithë certifikatën ISO 9001: 2008. Ne besojmë fort në një marrëdhënie të hapur dhe të sinqertë midis klientit dhe klinikës. Për këtë qëllim, ne ftojmë çdo pacient që të shohë personalisht zyrën dhe laboratorin tonë. “Sava Dental Clinic” ju ofron të gjithë informacionin që mund të keni nevojë, si për shembull origjina e materialeve që përdorim, kohëzgjatja e përafërt e trajtimeve të dhëmbëve dhe kështu me radhë. Ju mund të bëni një konsultë FALAS dhe ne do të shqyrtojmë rastin tuaj me shumë vëmendje dhe kujdes.
Pasi të mbërrini në Shqipëri, një person nga ekipi ynë do t'ju shoqërojë nga aeroporti Rinas në Jolly Hotel në Lezhë dhe anasjelltas. Personi ynë i besuar do t'ju shoqërojë në Lezhë ku mund të vizitoni shumë vende historike atje dhe gjithashtu të vizitoni "Ranën e Hedhun", një vend fantastik i përbërë nga dunat e rërës dhe formacione të tjera mahnitëse. Nëse vizitoni Lezhën, ju duhet të vizitoni edhe "Ranën e Hedhun". Ne ju japim mundësinë të zbuloni bukuritë e Shqipërisë (Lezhës në veçanti) gjatë qëndrimit tuaj, të provoni kuzhinën shqiptare, të argëtoheni dhe shumë më tepër.
Ju mund të pyesni: "Po në lidhje me shpenzimet e udhëtimit? A tejkalon sasinë e kursimeve të mundshme?"
Në shumicën e rasteve, koha e kërkuar për ekzekutimin dhe përfundimin e punës ndryshon nga 3 në 10 ditë.
Gjatë ekzaminimit të dhëmbëve në Shqipëri do të keni shumë përvoja të këndshme dhe mbi të gjitha do të rifitoni buzëqeshjen dhe besimin tuaj të bukur, për shumë më pak para sesa keni imagjinuar. Për të gjetur koston e përafërt të shpenzimeve për trajtimin e dhëmbëve në Shqipëri, mund të kërkoni një konsultë FALAS.
